Offerte di lavoro a Tirana, Profession Specialist i Sektorit të Monitorimit dhe Koordinimit të Politikave Prioritare , Principiante/Poca esperienza,

🔸Lloji i diplomës "Shkenca Juridike/Shkenca Sociale/Shkenca Politike/Marrëdhënie Ndërkombëtare", niveli minimal i diplomës "Master Profesional"

Në zbatim të nenit 22 dhe 25, të ligjit nr. 152/2013, “Për nëpunësin civil”, të ndryshuar, si dhe të kreut II, IV dhe VII, të Vendimit nr. 243, datë 18.3.2015, të Këshillit të Ministrave, “Për pranimin, lëvizjen paralele, periudhën e provës dhe emërimin në kategorinë ekzekutive”, të ndryshuar, Departamenti i Administratës Publike shpall procedurat e lëvizjes paralele dhe të pranimit në shërbimin civil për kategorinë ekzekutive, për grupin e pozicioneve:

Specialist i Sektorit të Monitorimit dhe Koordinimit të Politikave Prioritare, në Drejtorinë e Zbatimit të Politikave në Fushën e Antikorrupsionit, në Drejtorinë e Përgjithshme të Antikorrupsionit, klasa e pagës IV-1

Pozicionet më sipër, u ofrohen fillimisht nëpunësve civilë të së njëjtës kategori për procedurën e lëvizjes paralele! Vetëm në rast se nga këto pozicione, në përfundim të procedurës së lëvizjes paralele, rezulton se ende ka pozicione vakante, ato janë të vlefshme për konkurimin nëpërmjet procedurës së pranimit në shërbimin civil për kategorinë ekzekutive.

Për të dy procedurat (lëvizje paralele, Pranim në shërbimin civil) aplikohet në të njëjtën kohë!

- Ndjek proceset e punës për zhvillimin e punës kërkimore dhe analitike në përputhje me fushën e përgjegjësisë të drejtorisë;

- Harton dhe shkruan dokumente të politikës në fushën antikorrupsion (strategji), hartimin e planeve të veprimit, zbatimin e masave të politikave antikorrupsion, hartimin e raporteve të monitorimit;

- Koordinon hartimin dhe ndjekjen e instrumenteve antikorrupsion (planet e integritetit) në të gjithë autoritetet publike;

- Përgatit informacione teknike të fushës antikorrupsion dhe bën propozime konkrete në shërbim të punës;

- Propozon iniciativa bashkëpunuese me autoritete të brendshme dhe të huaja (partnerë) të fushës antikorrupsion;

- Ndjek dhe pregatit takime dhe mbledhje të sekretariatit teknik të Komitetit Koodinator kundër Korrupsionit;

- Ndjek dhe bashkëpunon mbi aktivitete me institucione të huaja (partnerë) lidhur me çështje të zhvillimit dhe realizimit të instrumenteve të politikave në fushën antikorrupsion;

- Përgatit, raporton mbi të dhëna të fushës antikorrupsion në institucionet qeveritare edhe ndërqeveritare;

- Përgatit të dhëna të fushës antikorrupsion në autoritete homologë të vendeve partnere, organizata ndërkombëtare dhe rajonale.