Kushtet e Perdorimit

1. Marrëveshja e Anëtarësimit

1.1 Përgjegjësitë e anëtarëve

Faqja jonë respekton Ligjin Nr. 18/2018 të Kuvendit të Shqipërisë “Për mbrojtjen e të dhënave personale” dhe standardet e përgjithshme të GDPR. Anëtarët bien dakord të sillen me etikë, ndershmëri dhe në përputhje me ligjet në fuqi. Ndalohet çdo formë abuzimi, përfshirë publikimin e informacionit të pavërtetë, përmbajtjes diskriminuese, të dhunshme, të paligjshme, si dhe materiale që shkelin të drejtat e autorit ose privatësinë e të tjerëve, e cila mund të shkaktojë ndërprerjen e shërbimit dhe komunikimit të informacionit. Është përgjegjësi e çdo individi të përdorë shërbimin tonë në mënyrë të drejtë, duke respektuar privatësinë dhe autorësinë e të tjerëve. Anëtarët janë përgjegjës nëse publikojnë informacione dhe/ose të dhëna të tjera të palëve të treta pa lejen e tyre. Ju ftojmë të na njoftoni nëse vëreni raste të sjelljeve të papërshtatshme të anëtarëve. Personat që përdorin fyerje në mënyrë të përsëritur nuk do të lejohen të marrin pjesë në faqen tonë. Ne mund t’ju dërgojmë një paralajmërim, pezullim të përkohshëm, pezullim pa limit ose largim përfundimtar nga faqja dhe shërbimet e saj në rastet kur:

haset shkelje e kësaj marrëveshjeje;
pamundësi për të verifikuar saktësinë e informacionit që na jepni;
nëse veprimet tuaja krijojnë pengesa ligjore për ju, përdoruesit e tjerë ose për ne;
kur objektivat tuaja nuk përputhen me objektivat e faqes, konkurrencën e lirë ose interesat tona.

1.2 Mbrojtja e privatësisë

Me regjistrimin në sistem, ju pranoni termat dhe kushtet e këtij portali. Të dhënat tuaja mund të përdoren nga shoqëria jonë ose shoqëri partnere për qëllime të ndryshme në të cilat aktiviteti ynë operon, si: burime njerëzore, statistika, tregti, shërbime publike, reklamim, marrëdhënie me publikun, analizim, përpunim të mëtejshëm etj. Të gjitha informacionet e portalit tonë ruhen në databazën tonë, e cila ndodhet në kompani hostingu të licencuara ligjërisht. Madje, edhe pas "çaktivizimit të llogarisë tuaj", të dhënat mund të arkivohen për arsye teknike dhe ligjore. Log-et e server-it dhe të dhëna të tjera mund të mblidhen për qëllime teknike dhe sigurie. Ne mund të shpërndajmë informacion për përdoruesit e sistemit nëse kërkohet nga ligji ose në rastet kur është e domosdoshme për t’u përgjigjur thirrjes në gjyq, urdherit të gjykatës ose proceseve të tjera ligjore. Personat/kompanitë e regjistruara në sistem mbajnë vetë përgjegjësinë e saktësisë së të dhënave të tyre. https://www.duanjoftime.com ruan të drejtën e verifikimit për çdo informacion të mundshëm që gjendet në platformë. Ne punojmë vazhdimisht për të siguruar një sistem të sigurt dhe të përditësuar, duke krijuar një platformë të besueshme.

2. Të dhënat tuaja personale, të dhënat për publikim dhe të tjera

2.1 Ne mbledhim të dhënat tuaja, përfshirë kontaktet dhe adresat e email-it, për qëllime si: dërgimi i emaileve konfirmuese, njoftime marketingu, njoftime periodike nga portali ynë apo njoftime nga palët e treta, sipas ligjeve në fuqi, dhe për t’ju informuar për publikimin e njoftimeve me interes për ju.

A. Punëdhënësit - Duke aprovuar dhe dërguar një njoftim, ju autorizoni faqen tonë https://www.duanjoftime.com të komunikojë informacion lidhur me njoftimin te anëtarët për qëllime shit-blerjeje ose për plotësim me kandidatë. Për të siguruar të dhënat tuaja dhe saktësinë e informacionit, https://www.duanjoftime.com ruan të drejtën e verifikimit të çdo njoftimi para dhe pas publikimit zyrtar në portal.

B. Punëkërkuesit - Duke aplikuar për një punë, ju autorizoni https://www.duanjoftime.com të furnizojë informacionin tuaj autoriteteve punëdhënëse. Informacioni i dhënë mund të përfshijë CV-në tuaj dhe/ose të dhëna për kontakt. Nga ky moment, është përgjegjësi e punëdhënësit dhe publikuesit të njoftimit të trajtojnë sipas ligjeve në fuqi të dhënat personale të kandidatit. Të dhënat nuk lejohet të ndryshohen nga palët e treta pa miratimin paraprak të kandidatit.

2.2 Ligji për Mbrojtjen e të Dhënave Personale

Ligji për Mbrojtjen e të Dhënave Personale përcakton të dhëna sensitive si: origjina racore ose etnike, bindjet politike, anëtarësimi në sindikata, besimi fetar ose filozofik, dënimet penale, si dhe të dhënat për shëndetin dhe jetën seksuale. https://www.duanjoftime.com zakonisht nuk kërkon nga klientët apo përdoruesit të shërbimeve të saj informacion mbi të dhëna sensitive, por në rast se ato mblidhen, ato do të përdoren në përputhje me Ligjin për Mbrojtjen e të Dhënave Personale. Në bazë të llojit të aktivitetit që kryejmë dhe për një shërbim sa më cilësor, mund të shpërndajmë të dhënat sensitive me furnizuesit dhe nënkontraktuesit tanë për të mbajtur informacionin tuaj të përditësuar.

2.3 Shpërndarja e të dhënave tuaja te palë të treta

Duke pranuar rregullat dhe kushtet e kësaj faqeje, ju na jepni të drejtën që të dhënat tuaja të transferohen apo publikohen edhe te palë të treta. Për shembull: publikimi i njoftimeve tuaja në rrjete sociale, portale partnere etj.

3. E Drejta e Pronësisë Intelektuale

3.1 - Janë pronësi intelektuale të gjithë elementet e sitit https://www.duanjoftime.com (përfshirë tekstet, imazhet, fotot, HTML, PHP code dhe kode të tjera, punime të mbrojtura nga e drejta e autorit që përdoren në https://www.duanjoftime.com nga palë të treta). Anëtarët nuk mund t’i rishpërndajnë, publikojnë, riprodhojnë ose krijojnë derivate të tjera, ose të lejojnë persona të tjerë të kenë akses ose të përdorin shërbimet e https://www.duanjoftime.com përmes llogarisë dhe fjalëkalimit të tyre për qëllime që nuk shkojnë në linjë me këtë rregullore. Përndryshe, ata do të jenë të detyruar të kompensojnë fitimin e munguar të https://www.duanjoftime.com për dëmin e shkaktuar, përfshirë dhe shpenzimet gjyqësore në rast se çështja zgjidhet nga një gjykatë, si dhe shpenzimet e avokatit mbrojtës.

3.2 - Të gjitha asetet mbi sitin dhe të drejtat personale, përfshirë shërbimet, informacionin, të drejtat e autorit, trademarks, subdomains, si dhe çdo material ose pronë intelektuale në pronësi të https://www.duanjoftime.com, si dhe të gjitha të drejtat mbi informacionin komercial, janë të rezervuara.

3.3 - Anëtari pranon, deklaron dhe merr përsipër t’i përmbahet dhe të zbatojë rregullat për sa i përket përdorimit të emrit dhe logos së https://www.duanjoftime.com.

3.4 - Anëtari pranon se është përgjegjës për çdo material të publikuar nga llogaria e tij në faqen tonë dhe deklaron, duke marrë përsipër, se do t’i përmbahet çdo lloj dëmi financiar që mund të rrjedhë nga publikimet e bëra nga llogaria e tij.

4. Cookies

https://www.duanjoftime.com mund të përdorë cookies për të mbledhur informacion teknik dhe të dhëna statistikore mbi përdorimin e shërbimeve në faqen e internetit. Informacioni teknik i mbledhur mund të përfshijë adresën e protokollit (IP) që përdoret për të lidhur kompjuterin ose pajisjen tuaj në internet, informacionin tuaj të identifikimit, llojin dhe versionin e shfletuesit, vendosjen e zonës së kohës, sistemin operativ, platformën dhe të dhëna të tjera të ngjashme.

Në faqen tonë mund të mblidhen informacione nga operatorë të tjerë, si Google (Analytics, Search Console etj.) dhe Facebook, të certifikuar sipas standardeve ndërkombëtare, të cilët kryesisht shërbejnë për të matur dhe zhvilluar performancën e faqes.

Rregullat e perdorimit

5. Objektivat dhe Qëllimet

5.1 - https://www.duanjoftime.com është një platformë online, dhe përmes saj publikojmë njoftime me interes për aktivitete komerciale, individë dhe profesionistë.

Përdoruesit shfrytëzojnë shërbimet tona për të ofruar ose gjetur mundësi biznesi, për të zgjidhur nevoja të ndryshme, për tu lidhur me njerëz të tjerë dhe për të marrë informacion të dobishëm.

Objektivi ynë është ofrimi i një shërbimi cilësor, të thjeshtë për t’u përdorur, të qartë dhe të kuptueshëm për një publik të gjerë.

Qëllimi ynë është që përmes kësaj platforme, përdoruesit të arrijnë një komunikim të shpejtë dhe efektiv me palët e interesuara.

6. Publikimi i njoftimit

6.1 Pasi të jeni anëtarësuar në https://www.duanjoftime.com, ju do të pajiseni me një llogari e cila aksesohet nëpërmjet e-mail dhe password-it. Me anë të llogarisë së krijuar, do të keni mundësinë të dërgoni dhe publikoni njoftime sipas mundësive që platforma ofron. Duke klikuar "Dërgo njoftim", hapet formulari për plotësimin e njoftimit. Pasi të dërgohet, stafi e kontrollon dhe, nëse është në përputhje me rregulloren, e publikon (përveç rasteve të llogarive me publikime automatike, pa kontrollin e stafit). Pas publikimit, publikuesi mund të marrë kontaktet e dëshiruara.

Rregullat dhe politikat e pagesave me karte online!

https://www.duanjoftime.com eshte shoqeri tregtare e licensuar/autorizuar per sherbimin e pagesave online nga bankat e nivelit te dyte sipas legjislacionit shqiptar. https://www.duanjoftime.com ne asnje rast nuk ruan te dhena te kartave te pageses.

Per te perfituar nje nga paketat tona online, mjafton te regjistroheni ne platforme dhe te identifikoheni gjate procesit te pageses.
Krediti qe ju karikoni ne llogari nuk mund te perdoret si monedhe pagesash per sherbimet/produktet qe shoqeria nuk i ofron. Krediti duhet te perdoret brenda nje afati te llogjikshem(kryesisht brenda 1 viti nga momenti i pageses).
Krediti nuk mund te konvertohet ne monedhe, por mund te transferohet ne llogari te tjera (tuaja ose te paleve te 3-ta). Palet e treta qe perfitojne kredi mund ta perdorin ate vetem per sherbimet dhe paketat qe faqja ofron.
https://www.duanjoftime.com nuk mban pergjegjesi per mosmarreveshjet e pagesave mes individeve.
Per pagesa te gabuara online, kontaktoni menjehere stafin brenda 4 oreve dhe mos perdorni sherbimin/paketen nese ju eshte aktivizuar. Procedura e rimbursimit mund te zgjase deri ne 14 dite pune dhe kostot e procedures se kthimit jane ne ngarkimin tuaj.

Funksionimi i publikimeve dhe dublikimeve

Sistemi yne numeron publikimet dhe dublikimet ne baze te 30 diteve te fundit, pershembull nga 18/11/2025 deri me 19/10/2025.
Paketat qe blini nuk ndryshojne menyren e ketij numerimi, por rrisin limitet e mundshme per ditet ne vijim.

Paketat rrisin mundesine per me shume publikime dhe tolerance per dublikime ne te ardhmen sipas paketes se abonimit.
Nese kaloni limitin maksimal te dublikimeve, llogaria juaj mund te bllokohet perkohesisht(duke filluar nga 30 dite) dhe sherbimi i paketes do te konsiderohet i perdorur. Per ta riaktivizuar, thjesht mund te zgjidhni nje pakete tjeter me me shume limite, qe i pershtatet nevojave tuaja aktuale.
Nese arrini numrin maksimal te publikimeve te perfshira ne paketen tuaj, nuk mund te shtoni njoftime te reja derisa disa nga ato ekzistuese te skadojne. Megjithate, nderkohe mund te zevendesoni njoftimet e vjetra me te reja. Nese platforma jone ofron paketa me limite me te larta se ajo qe keni aktualisht, mund te kaloni ne nje pakete te re, dhe data e saj e vlefshmerise fillon nga momenti i aktivizimit.

Çfarë nuk lejohet në postimet e njoftimeve:
A- Nuk lejohet dublikimi i njoftimeve(publikimi disa here i te njejtit sherbim, send, kerkese etj. nga e njejta llogari apo llogari te ndryshme). Pasi e keni fshire nje njoftim, mund ta ripublikoni pas 60 ditesh, ose mund te ri-publikohet me pare vetem me pagese.
B- Nuk lejohet vendosja e numrit të telefonit apo kontakteve të tjera jashtë pozicionit të lejuar (p.sh. në foto, titull apo përshkrim).
C- Nuk lejohet vendosja e fotove që nuk kanë lidhje me objektin e publikuar apo jane te mbrojtura nga e drejta e autorit dhe për të cilat nuk keni autorizim.
D- Nuk lejohet vendosja e URL-ve për të "peshkuar" vizitorë.
E- Nuk lejohet vendosja e fotove nga publikuesit me cilësi shumë të dobët ose që nuk janë orientuese për vizitorin.
F- Nuk lejohet publikimi i njoftimeve që kanë probleme ligjore, apo nuk jeni të autorizuar t’i publikoni, janë të sekuestruara apo kanë probleme me ligjin dhe nuk mund të tjetërsohen.
G- Nuk lejohet hapja e disa llogarive për përfitim falas apo vendosja e të dhënave të rreme për të manipuluar sistemin.

6.2 Njoftimi, përveç kësaj platforme, mund të shpërndahet edhe në platforma të tjera ku faqja ka bashkëpunim dhe ka dhënë autorizim. Në të kundërt, çdo ri-shpërndarje konsiderohet shkelje ligjore.

6.3 Rregullorja e publikimit të njoftimeve në sektorin imobiliar
https://www.duanjoftime.com përpiqet të garantojë ekskluzivitetin e njoftimeve të publikuara në platformë. Aplikojmë parimin: i pari në publikim, i pari në të drejtën për ekskluzivitetin e njoftimit. Personat, agjencitë, agjentët apo privatët (përfshirë sekser) që publikojnë të njëjtin njoftim (pronë), i cili është hedhur më parë nga ai apo një tjetër, mund të ndëshkohen për dublikim (paralajmërim ose përjashtim nga faqja për një kohë me ose pa limit). Stafi i faqes ruan të drejtën për lejimin e dublikimit në raste dhe kategori të veçanta, të trajtuara individualisht sipas marrëveshjes midis palëve.

(Jane lejuar dublikime vetëm kur kemi të bëjmë me agjensi imobiliare dhe publikuesi i parë i pronës nuk ka kontratë ekskluzive me pronarin, dhe publikuesi i dytë ka bërë vetë fotot dhe i ka ekskluzive.)

Dublikimi i njoftimit MUND (jo gjithmonë për çdo rast) të lejohet nga stafi për agjencitë imobiliare, nëse kanë foto ekskluzive për kategori të sektorit imobiliar. Nëse fotot e njoftimit ju dërgon pronari, kërkoni më parë në faqe nëse ky njoftim është hedhur, ose pyesni pronarin nëse fotot i ka dërguar në agjensi të tjera. Nëse po, bëni fotot vetë ose kërkoni foto të tjera ekskluzive.

Për të evituar bllokimin e llogarisë, ekzistojnë paketa me pagesë për të cilat mund të informoheni në listën e çmimeve të https://www.duanjoftime.com.

6.4 Rregullorja e publikimit të njoftimeve në sektorin e punësimit
https://www.duanjoftime.com lejon kompanitë apo përfaqësuesit e tyre të regjistrohen dhe të publikojnë njoftime për vende vakante të punësimit. Pasi të publikohet njoftimi, kompanitë mund të marrin aplikime sipas preferencave të tyre. https://www.duanjoftime.com rezervon të drejtën e verifikimit të vërtetësisë së njoftimit në çdo moment. Është në përgjegjësinë e publikuesit trajtimi i aplikimeve dhe të dhënave sipas parashikimeve ligjore.

7. Kohezgjatja e publikimit të njoftimit

https://www.duanjoftime.com ju jep mundësinë e publikimit të njoftimit online për të paktën 2 muaj. Pas këtij afati, nuk përcaktohet një datë fikse e fshirjes (sepse abonimet mund të jenë të ndryshme për çdo njoftim dhe afatet nuk mund të përcaktohen).

Publikuesi mund të vendosë ta fshijë njoftimin në çdo moment që dëshiron.

Fshirja e njoftimit ruhet në databazën e platformës për të paktën 2 muaj. Më pas mund të fshihet përgjithmonë.

8. Kosto e publikimit të njoftimit

https://www.duanjoftime.com ofron publikime falas dhe me pagesë për të cilat aplikon çmime fikse dhe variabël. Çmimet fikse janë për llogaritë e abonimit me bazë mujore ose për koston e rifreskimit të njoftimeve etj. Këtu mund të gjeni listën e çmimeve.

Çmimet variabël janë për vendosjen e njoftimit të gozhduar në çdo faqe të kategorisë, që përllogaritet nga sistemi në mënyrë automatike. Për të përdorur këtë shërbim duhet të keni kredit në llogari ose mund ta bëjë stafi ynë për ju.

9. Menyrat e pagesës

https://www.duanjoftime.com është shoqëri tregtare e regjistruar në Qendrën Tregtare të Biznesit në Republikën e Shqipërisë.

Format e pagesave janë:

a. Online me kartë krediti
b. Në sportelet bankare duke bërë derdhje në llogarinë e shoqërisë (ju duhet faturë dhe/ose IBAN i shoqërisë)
c. Transfer bankar nga E-banking
d. Para në dorë (cash)
e. Tjetër, nëse parashikohet

10. Ndryshime dhe Përditësime

Kjo rregullore mund të ndryshojë dhe përditësohet për tu përshtatur me:

A. Ligjet e Republikës së Shqipërisë
B. Zhvillimet e tregut dhe përshtatja me to
C. Interesat dhe strategjitë tona të biznesit dhe/ose grupet e kompanive ku bëjmë pjesë

11. Prishja e Marrëveshjes

Kjo marrëdhënie mund të prishet me vullnetin e paleve. https://www.duanjoftime.com rezervon të drejtën e prishjes së marrëdhënies në çdo moment, pa qenë e detyruar të japë një motiv ose shkak.

Ndihmë dhe Kontakte:
Për pyetje dhe përgjigje klikoni këtu ose mund të na shkruani në [email protected]

12. Kontakti

Nese keni pyetje ose komente ne lidhje me keto rregulla dhe kushtet, ju lutem na kontaktoni ne adresen e meposhtme:

Email: [email protected]